O‘ylab ko‘ring, qo‘lingizda O‘zbekiston xaritasi va unga qarab hududlarga tegishli bo‘lgan birlamchi ma’lumotlarni aytish mumkin. Masalan, Qoraqalpog‘istonda qancha aholi yashaydi, Xorazmda bandlik masalasi qay darajada, Surxondaryoda qancha ta’lim muassasalari bor, Farg‘onada aholi zichligi qay darajada va shunga o‘xshash boshqa zarur ma’lumotlar. Lekin bunday yuzaki ko‘rsatkichlar bilan bugungi shiddatli rivojlanish davrida uzoqni ko‘zlab rejalashtirish qiyin, albatta.

Aksincha, qo‘limizda har bir hududga oid aniq faktlar bo‘lsa, rejalarimiz, amaliyotlarimizda manzilli va puxta bo‘ladi. Shuning uchun bizga butun respublikani qamrab oladigan ishonchli ma’lumotlar kerak va ma’lumotlar yangilanib borilishi shart. Bunday aniq ma’lumotlar esa aholini ro‘yxatga olish asosida olinadi. Shunga qarab o‘tmish va bugun haqida fikr yuritishimiz hamda kelajakni bashorat qilishimiz mumkin. Shuningdek, aholining yoshi, jinsi, milliy tarkibi, ma’lumot darajasi, oilasi.