“Moynaq rayonında 2019-jılı 127 jay “snos”qa tústi hám sol dáwirde turaq jaylardıń kompensaciya pulları tolıq tólenip, jer orınlarınıń ornına jer orınları berilgen. Sonıń menen birge, búgingi kúnde Moynaq rayonı hákimligine kompensanciya qarjıların óndiriw boyınsha arza yamasa múrájat kelip túspegen.
Sonday-aq, @kar24 saytındaǵı múrájat etiwshi puqara anonim bolǵanlıǵı sebepli hayallar dápteri diziminen kóriw múmkinshiligi joq. 2022-jıl 28-aprel kúni bolıp ótetuǵın Xalıq deputatları Moynaq rayonlıq Keńesiniń 45-sessiyasında Deputatlar Keńesiniń “Hayallar dápteriniń 3-basqısh jumısların shólkemlestiriw haqqındaǵı” sheshimine ózgerisler kiritilip, qayta tastıyıqlanadı.
Eger múrájatshı shaxsın kórsetken halda rayon hákimligine múrájat etse hám sociallıq jaǵdayı nızam talaplarına tuwrı kelse sessiya arqalı dápterge kiritilip, húkimetimiz tárepinen berilip atırǵan imkaniyatlardan paydalanıw múmkinshiligine iye boladı”.

Sol sebepli, puqara telefon nomerińiz hám shaxsıńız ashıq bolıwı tiyis. Bolmasa, múrájat kórip shıǵılmaydı.