Ózbekstan Respublikası Prezidentiniń 2025-jıl 30-yanvar kúngi PQ-33-sanlı “Puqaralar hám isbilermenlik subektleriniń huqıqların sud arqalı qorǵawdıń zamanagóy mexanizmlerin engiziw boyınsha qosımsha is-ilajlar haqqında”ǵı qararı qabıl etilgenligin, sońǵı jılları mámleketimizde mámleketlik uyımlar menen qatnasıqlarda puqaralar hám isbilermenlik subektleriniń huqıqların nátiyjeli qorǵawdı támiyinlewde sistemalı reformalar ámelge asırılǵanlıǵın, ásirese, 2017-jılı mámleketimiz tariyxında birinshi márte hákimshilik sudlar shólkemlestirilgeni puqaralar hám isbilermenlik subektleriniń mámleketlik uyımlar hám lawazımlı shaxslardıń nızamǵa qayshı qararları, háreketleri ústinen sudqa shaǵım etiwge baylanıslı konstituciyalıq huqıqların támiyinlewde áhmietli qádem bolǵanı, ótken dáwirde hákimshilik sudlar tárepinen kórip shıǵılǵan 120 mıńǵa shamalas arza hám shaǵımlardıń 57 procenti qanaatlandırılıp, puqaralar hám isbilermenlik subektleriniń buzılǵan huqıqları tiklengeni de hákimshilik sudlardıń nızam ústinligin támiyinlew jáne shaxstıń huqıqları menen erkinliklerin isenimli qorǵawda áhmietli institut sıpatında qálipleskenin kórsetetuǵının, sonıń menen birge, búgingi kúnde hákimshilik sudlardıń jumısına aldınǵı sırt el tájiriybesinde ózin aqlaǵan institut hám tártiplerdi keńnen qollanıw arqalı puqaralar hám isbilermenlik subektleriniń huqıqları menen nızamlı máplerin qorǵawda usı sudlardıń rolin arttırıw, sonıń ishinde, mámleketlik uyım hújjetine isenip jumıs alıp barǵan puqaralar hám isbilermenlik subektleriniń huqıqları menen nızamlı mápleriniń qorǵalıwın qosımsha túrde kúsheytiw zárúrligi júzege kelgen hám usı múnásibet penen usı qarar qabıl etilgen.