Moynaq rayonında jámi 12 máhálle bar bolıp, “Moynaq” hámde “Doslıq”  mákan puqaralar jıyınları 4-sektorǵa biriktirilgen.
4-sektorǵa biriktirilgen mahallelerde  1070 xojalıqta, 1340 shańaraq hámde 5810 xalıq jasaydı. 4-sektor aymagında 3 mektep, 4 MShBM, 2 medicina birlespesi jaylasqan.

Ɵzbekistan Respublikası Ministirler Keńesiniń 2021-jıl 25-apreldegi 250-sanlı qararına muwapıq 4-sektor aymaǵında “Temir dápter”ge  sociallık qorǵawǵa mútaj, jasaw sharayatı awır 138 shańaraq kiritilgen bolıp, alıp barılǵan mánzilli isler natiyjesinde rayon Xalıq deputatları Keńesi qararları tiykarında 133 shańaraq (96,3%) “Temir dápter” diziminen  shıǵarıldı hámde házirgi kúnde social qorǵawǵa mútaj bolǵan 5shańaraq (3,7%)  “Temir dapter” diziminde bar.

Sociallıq, ekonomikalıq, huquqıy, psixologik qollap-quwatlawǵa mútájligi, bilim hámde kásip úyreniwge qızıǵıwshılıǵı bolǵan jumıssız hayal-qızlar  Ministirler Keńesiniń 2021-jıl 28-apreldegi 250-sanlı qararına muwapıq 4-sektor aymaǵınan 105 hayal-qızlar “Xayallar dápteri” dizimine kiritildi.(Sonnan “Moynaq” MPJdan 51, “Doslıq” MPJdan 54,)

Máhállelerdegi hayal-qızlar belsendileriniń usınısları menen “Xayallar dápteri” dizimindegi xayal-qızlardı qollap-quwatlaw maqsetli jamǵarmaları qarjıları esabınan:

59 xayal-kızlarǵa hár birine 1mln 80mıń swmnan bir mártelik qarjılay járdemler berildi. (summası: 63mln 720 mıń swm;)

Ijarada jasap júrgen 3 hayal-qızlarga ijara pulları tѳlep berildi.

17 hayal-kızlarga subsidiya tiykarında tigiw mashinaları alıp berildi (summası: 67mln 966mın swm;) 11 hayal-qızlarǵa mikserler,mikro tolqınlı pechkalar alıp berildi.(summası:10mln 107mın swm;)

8 xayal–qızlarǵa ѳz isbilermenligin jolǵa qoyıw ushın jeńilletilgen kreditler alıp beriwde ámeliy járdemler berildi.

3 xayal-qızlarga xár turli shirinlik ѳnimlerin  tayarlaw kurslarında oqıtıldı xámde sertifikatlar berildi.

Ɵzbekistan Respublikası Ministirler Kabinetiń 2021-jıl 24-iyul kúngi “Sociallıq qorǵauga mútaj xalıqtın úy-jay sharayaatların jaqsılaw boyınsha qosımsha is-ilajları xaqqında” ǵı 459-sanlı qararına muwapıq  sociallıq qorǵawga mútáj ortasha aylıq dáramatları qarızdarlıqlardı tѳlew ushın jeterli bolmaǵan puqaralardıń ipoteka kredit qarızların Xalıq deputatları Moynaq rayonlıq Keńesi janındaǵı “Xalqparvar” komissiyasınıń juwmagı menen unamlı dep tabılǵan  puqaralardıń ipoteka kredit qarızların qaplaw ushın kepillikler beriw belgilengen.

“Doslıq”máxallesi  aymagındagı sociallıq qorǵauga mútáj is-xaqı dáramatı joq bolgan 5 xayal-qızlarǵa (Berdimuratova Roza 18mln 788mın sum, Jumamuratova Bibisara 21mln 777mın sum, Kamalova Gulmira 13mln 998mın sum, Sabırxanova Gozzal 21mln 907mın sum, Yusupbaeva Ayımgul 11mln 934mın sum, jami:88mln 406mın sum) ipoteka krediti qarızdarlıqların tѳlep beriwge kepillikler berildi.

Máxállelerdegi jaslar jetekshileri tárepinen 16-30 jastaǵı 1mıń 270 jaslardıń (100%) jaslar balansı qáliplestirildi.

Sociallıq, ekonomikalıq, xuquqıy, psixologik qollap-kuwatlauǵa mutajligi xámde bilim, kásip uyreniwge qızıǵıwshılıǵı bolǵan jaslardan 77jas “Jaslar dápteri” dizimine alındı.

Kѳrilgen ámeliy is-ilajlar nátiyjesinde 46 jas (59,8%) “Jaslar dápteri” diziminen shıǵarıldı. Jaslar jetekshileriniń usınısları tiykarında “Jaslar dápteri” dizimine kiritilgen jaslardı qollap-quwatlaw maqsetinde shѳlkemlestirilgen maqsetli jamǵarma qajıları esabınan;

12 jasqa tѳlem-kontrakt summaları tѳlep berildi. 16mln 800mıń swm;

12 jasqa óz qábiletin qollap-quwatlaw maqsetinde qarjılay járdemler berildi. 13mln 300 mın swm;

5 jasqa subsidiya tiykarında ásbap-uskeneler alıp berildi.  10mln 259mın sum;

1 jaska isbilermenligin jolǵa qoyıwda imtiyazlı kredit alıwda ámeliy járdemler berildi. (Kredit summası 12mln 850mıń swm;)

3 jastıń Múddetli áskeriy xızmetti ѳtewde  shártnama summasınıń 17mln 336 mıń swm tѳlep berildi;

2 jaska Avtomobildi basqarıw guwalıǵın alıwda oqıw qárejetleri tolep berildi. 2mln 400mıń swm;

11 jaska basqada berilgen járdemler esabınan “Jaslar dápteri” diziminen shıǵarıldı.

Búgingi kunde 31 jaslar (40,2%) “Jaslar dapteri” diziminde qalmaqta.

Sonday-aq qáwenderler tárepinen 2 jasqa (Kalbaev Saparbay,Jańabaev Asılbek) 500 máyek sıyımlıǵındaǵı inkubator alıp berildi xámde búgingi kúnde ѳzin-ѳzi bánt etiwi nátiyjesinde shańaraǵına dáramat kiritip atır.

Bul júritilip atırǵan úsh dápterge kiritilgen puqaralar menen ayrıqsha shuǵıllanıp, olardıń mashqalaların birinshi gezeketegi orınlanıwı zárur bolǵan máseleler sıpatında qarap, juwapkershilikti sezinip, jumısların dawam ettiremiz.

4-sektor aymaǵındaǵı máxállelerde  “Shańaraqlıq isbilermenlikti rawajlandırıw” dástúri sheńberinde 2 mlrd 566,4 mln.swm jeńilletilgen kredit ajratıw belgilengen bolıp, máxálelerdegi hákim járdemshileri tárepinen jeńilletilgen bank kreditin alıw niyetin bildirgen 107 puqaraǵa

2mlrd 054,7 mln. swmlıq usınısnamalar berildi hám kommerciyalıq bank filialları tárepinen 98 puqaraǵa 1mlrd 821,0 mln. swmlıq jeńilletilgen kreditler ajratıldı. (Sanaat tarawında 34 puqaraǵa 849,4 mln.swm, xizmet kórsetiw tarawında 21  puqaraǵa 606,6 mln.swm hám awıl xojalıq tarawında  43 puqara 364,9 mln.swm).

4-sektor aymaǵına qaraslı bolǵan mákan puqaralar jıyınlarınan 71 puqara turaqlı jumıs orınlarına,

90 puqara ózin-ózi bánt etken halda, 36 puqara jámiyetlik jumıslarǵa, 17 puqara máwsimli jumıslarǵa hámde 31 puqara qayta tayarlaw kásip-ónerge qamtılıp, jámi 178 puqaranıń bántligi támiyinlendi.

Aymaqlıq investiciya dástúri tiykarında sektor aymaǵında

2022-2023-jıllarda jámi bahası 61 mlrd 569 mln.swmlıq (sonnan, 25 mlrd 400 mln.swm óz esabınan, 4 mlrd 470 mln.swm kommerciyalıq bank kreditleri hámde 2 mln. 800 ming AQSh dollar shet el investiciyası esabınan) investiciyalar ózlestiriw esabınan 11 joybar  ámelge asırıw arqalı 110 jańa jumıs orınları jaratıladı.

Ɵzbekistan Respublikası Prezidentiniń 2022-jıl 18-marttaǵı “2022-2026 jıllarda “Abat awıl” xámde “Abat máxálle” dásturlerin ámelge asırıw is-ilajları xaqqındaǵı” PQ-172-sanlı qararına   muwapıq 4-sektor aymaǵındaǵı Moynaq máxállesi “Abat máxálle” dásturine kiritilgen bolıp, 3 mlrd 699 mln swmlıq jumıslar amelge asırılıw rejelestirilgen.

Sonnan 2,1km ishki jollarǵa qum-shaǵal  qaplamasın tósew (ońlaw) reje qılınǵan bolıp búgingi kúnde jumıslar 100 payızǵa juwmaqlandı.

2,8km ishimlik suw tarmaqların jańadan qurıw xámde rekonsturkciya kılıw reje qılıngan búgingi kunde 2,2 km suw tarmaqların tartıw juwmaklandı kolodec xámde gidrantlardı ornatıw jumısları alıp barılıp atır.100 dana eskirgen baǵanalar ornına jańa beton baǵanalar ornatıldı. “Moynaq” máxállesi imaratın jańadan kurıw boyınsha búgingi kúnde fundamet kuyıw jumısları juwmaklanıp gerbish óriw jumısları alıp barılmakta. 2km uzınlıkta optik talshıqlı baylanıs kabelleri tartıldı.Túngi jaqtılandırıw xámde piyadalar ushın jollar qurıw jumısları alıp barılmakta.

Xalıqtıń haqıqıy ahwalın biliw olardıń dártin tıńlaw hámde payda bolıp atırǵan mashqalaların ornında sheshiw maqsetinde Ózbekstan Respublikası Prezidentiniń Xalıq qabıllawxanası Moynaq rayonı bѳlimi  menen birgelikte kóshpeli qabıllawlar ótkerilmekte.

Byudjet túsimleri boyınsha:

Byudjet túsimleri boyınsha 2022˗jıl ushın 22,9 mlrd. swm prognoz belgilengen bolıp, 1˗sentyabr jaǵdayına 20,7 mlrd. swm túsim támiyinlenip, jıllıq prognoz 90,3 procentke orınlandı.

Sonıń menen birge ámeldegi jıl yanvar‑avgust ayları ushın 13,5 mlrd. swm prognoz belgilengen bolıp, 1˗sentyabr jaǵdayına 20,7 mlrd. swm túsim támiyinlenip, 8 aylıq prognoz 153,3 procentke, yaǵnıy byudjetke 7,2 mlrd. swm qosımsha túsim támiyinlendi.

Yanvar‑avgust ayları dawamında byudjetke 20,7 mlrd. swm túsim támiyinlenip, ótken jıldıń sáykes dáwirine salıstırǵanda 11,8 mlrd. swm (ótken jıl yanvar‑avgust túsim 8,9 mlrd. swm) artıq qarjı óndirilip 132,6 procentke túsimler muǵdarı ósiwine erisildi.

Ámeldegi jıl 9 aylıq juwmaq menen byudjetke jámi 23,4 mlrd. swm yaǵnıy qosımsha 7,2 mlrd. swm byudjetke túsim kútilip atır. Jıl juwmaǵı menen jıllıq prognozǵa salıstırǵanda 28,4 mlrd. swm qosımsha túsim támiyinlew kútilip atır.

Moynaq rayonı boyınsha 825 isbilermenlik subekti dizimnen ѳtken bolıp, sonnan yuridik shaxslar sanı 592, jeke isbilermenlik subektleri sanı 233ti quraydı.

Jumıs alıp barıp atırǵan isbilermenlik subektleri sanı 574 (69,5%), yuridik shaxslar sanı 383, jeke isbilermenlik subektleri sanı 191 di quraydı.

Xáreketsiz  isbilermenlik subektleri sanı 151 (18,3%), yuridik shaxslar sanı 109, jeke isbilermenlik subektleri sanı 42 ni quraydı.

Jıl basınan jańadan dizimen ѳtken isbilermenlik subektleri sanı 97 (11,7%) yuridik shaxslar sanı 73, jeke isbilermenlik subektleri sanı 24 ti quraydı.

Jawılǵan isbilermenlik subektleri sanı 8 (0,9%), sonnan yuridik shaxslar sanı 0, jeke isbilermenlik subektleri sanı 8 di quraydı.

Jıl basınan 1 sentyabr jaǵdayına 25 ta háreketsiz kárxanalardıń iskerligi qayta tiklewge erisildi.

A.Raxmetullaev, Moynaq rayonı Mámleketlik salıq inspekciyası, 4-sektor baslıǵı