2023-jıl 12-iyul kúni Xalıq deputatları Moynaq rayonlıq Keńesiniń 71-sessiyası bolıp ótti. Sessiyaǵa Xalıq deputatları rayonlıq Keńesi deputatları, sektorlar basshıları, mákeme, kárxana baslıqları qatnastı.

Dáslep deputatlar reglamentke muwapıq sessiyanıń kún tártibin tastıyıqladı hám kún tártibindegie 12 máseleni kórip shıqtı.
Sonıń menen birge, qosımsha «Rayonlıq jergilikli byudjet mekemeleriniń 2023-jıl II sherek qárejetler smetasına ózgeris kirgiziw haqqında»ǵı máseleni qarap shıǵıw usınıs etildi. Sessiya kún tártibinde tómendegi máseleler kórip shıǵıldı:

-Ózbekstan Respublikası Prezidentiniń Moynaq rayonındaǵı Xalıq qabıllawxanasınıń 2023-jıldıń 6 ayı dawamında alıp barǵan jumısları hám máhállelerge biriktirilgen hákim járdemshileriniń ámelge asırǵan jumısları nátiyjeliligin úyreniw nátiyjesi haqqında;
-Jınayat isleri boyınsha Moynaq rayonı sudı tárepinen 2023-jıldıń birinshi yarım jılı dawamında ámelge asırılǵan jumıslar haqqında;
– Moynaq rayonı prokuraturası tárepinen 2023-jıldıń 6 ayı dawamında ámelge asırılǵan jumıslar haqqında;

-Moynaq rayonı Korrupciyaǵa qarsı gúresiw boyınsha mekemeleraralıq komissiyası baslıǵınıń esabatı haqqında;
-Moynaq rayonı Ishki isler bólimi tárepinen 2023-jıldıń 6 ayı dawamında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde alıp barılǵan jumıslar haqqında;

-Moynaq rayonı Ishki isler bóliminiń jámiyetlik qáwipsizlik xızmeti tárepinen 2023-jıldıń birinshi yarımı dáwirinde ámelge asırılǵan jumıslar haqqında;
-Moynaq rayonı Kámbaǵallıqtı qısqartıw hám bántlikke kómeklesiw bólimi tárepinen ámelge asırılıp atırǵan jumıslar haqqında;

-Moynaq rayonında Balalar máseleleri boyınsha komissiya tárepinen 2023-jıldıń 1-yarımı dáwirinde ámelge asırılǵan jumıslar haqqında;
-Moynaq rayonı hákimliginiń Balalardı qorǵaw sektorı tárepinen 2023-jıldıń 1-yarımı dawamında islengen jumıslar haqqında;
-Xalıqtıń sociallıq qorǵawǵa mútáj qatlamın qollap-quwatlaw maqsetinde “Saqawat hám kómek” qorı qarjıları esabınan járdem kórsetiw haqqında;
-“Saqawat hám kómek” qorı qarjıları esabınan “Temir dápter”ge kiritilgen shańaraqlarǵa quyash panellerin satıp alıw haqqında;

-Rayonlıq jergilikli byudjet mekemeleriniń 2023-jıl II sherek qárejetler smetasına ózgeris kirgiziw haqqında;
-Xalıq deputatları Moynaq rayonlıq Keńesiniń 2023-jıl 19-iyun kúngi VI-70-101-13-187-K/23-sanlı sheshimine ózgeris kiritiw haqqında máseleler deputatlar tárepinen dodalanıp, tiyisli sheshimler qabıl etildi.