Moynaq rayonı hákimi, 1-sektor basshısı E.Edenbaev «Qızıl jar» awıl puqaralar jıyını aymaǵında jasawshı jaslardıń múrájatların qabılladı.

Qabıllaw dawamında jaslardan Jaras Azenov, Jandos Joldasbaev hám Nurbek Tlewbaevlar jumıs penen támiyinlewdi aytıp bildirgen múrájatı hár tárepleme úyrenip shıǵılıp, olarǵa hár bir jasqa 1 gektar joybarı tiykarında jer maydanın ajıratıw, sonıń menen bir qatarda jeńilletilgen kreditler esabınan násilli qoy, eshkilerdi alıp beriwdi usınıs etti.

– Men búgingi ushırasıwda qarındasıma jeńilletilgen kredit esabınan awıl ishinen hayal-qızlar gѳzzallıq salonın ashıwda ámeliy járdem sorap múrájat ettim. Hákim E.Edenbaev «Agrobank»tiń Moynaq filialı tárepinen jeńilletilgen kredit ajıratıp beriletuǵının bildirip ótti – deydi, usı aymaq turǵını Timur Ótewov.

Sonday-aq, Qayırxoja Bekajanov házirgi kúnde shańaraq aǵzalarınan 2 jas student ekenligin bildirip kontrakt pullarınıń málim muǵdarın tólep beriwde ámeliy járdem sorap etken múrájatı boyınsha jaslar fondı tárepinen tóliniwi usınıs etildi.

Moynaq rayonı hákimligi Málimleme xızmeti
@MuynakPress