Búgin sociallıq tarmaqlarda, usı jıldıӊ may ayında Moynaq qalasında bolıp ótken “STIXIYa” xalıqaralıq elektron muzıka, kórkem-óner hám ilim-pán festivalınnan soӊ «Kemeler qoyımshılıǵı»nda shıǵındılar kóbeyip ketkeni haqqında sın materiallar jariyalandı.
Bul boyınsha Qaraqalpaqstan Respublikası Turizm hám sport bas basqarması hámde Moynaq rayonı hákimligi tómendegilerdi málim etedi.

6-8 may kúnleri Moynaq qalasında “STIXIYa” xalıqaralıq elektron muzıka, kórkem-óner hám ilim-pán festivalına tayarlıq kóriw hám festivaldi ótkeriw dawamında “Fakultet akustiki” JShJ, Qaraqalpaqstan Respublikası Turizm hám sport Bas basqarması, Moynaq rayonı hákimligi, sonıӊ menen birge tiyisli ministrlik hám mákemeler tárepinen ilajdi shólkemlestiriw boyınsha bir qatar isler ámelge asırılıp barıldı.

Solar qatarında, Moynaq rayonlıq abadanlastırıw basqarması hám “Toza hudud” MUK tárepinen festivalda shet elli miymanlardıӊ dem alıw aymaǵınan shıǵındılardı turaqlı túrde óz waqtında alıp shıǵıw isleri ámelge asırılıp barıldı.

Búgingi kúnde Moynaq qalasında payda bolǵan shıǵındılar juwapker mákemeler tárepinen hár kúni saplastırılıp barılmaqta.