3-sektor aymaǵına 3 awıl puqaralar jıyını biriktirilgen bolıp, olardaǵı 1746 shańaraqta 9287 puqara jasap kelmekte.
Sonnan erkekler 4692, hayallar 4595, jaslar 3616 quraydı. Sektor aymaǵında mektepler sanı 6, mektepke shekemgi bilimlendiriw shólkemi 6 hám shańaraq poliklinikası 3 bolıp, xalıq xızmetinde jumıs alıp barmaqta.

“TEMIR DÁPTER”

2020-jıl 24-aprel kúni Ózbekstan Respublikası Prezidenti basshılıǵında videoselektor tárizinde ótkerilgen májiliste belgilep berilgen kórsetpe hám tapsırmalarǵa tiykar sociallıq qorǵawǵa mútáj hám pandemiya dáwirinde qıyın awhalda qalǵan kem támiyinlengen hám kóp balalalı shańaraqlar, nuranıylar, nágiranlar, baǵıwshısın joǵaltqan, kesel, jumısqa jaramsız hám jumıssız qalǵan puqaralardıń dizimi sektor, awıl hám mákan puqaralar jıyınları kesiminde qáliplestirilip 245 shańaraq “Temir dápter”ge kiritilgen.

2022-jıl yanvar ayınan usı kúnge deyin 3-sektorda 19 mútáj shańaraqlar hám olardaǵı 75 shańaraq aǵzaları “Temir dápter”ge kiritildi.

Sociallıq járdemge mútáj 75 shańaraq aǵzalarınan 22 yaǵnıy 29,3 payızı miynetke jaramlı ekenligi anıqlandı.

Házirde 18 miynetke jaramlı shańaraq aǵzalarınıń bántligi támiyinlenip, 4 jumıssız qalmaqta.

Esapta qalǵan shańaraqlardıń jasaw sharayatın jaqsılaw maqsetinde xár birine jergilikli isbilermen qáwenderler, “Qayır-saqawat hám kómek” qorı hám jergilikli hákimiyat tárepinen materiallıq járdemler berilip kelinbekte.

“HAYaLLAR DÁPTERI”

2021-jıl 8-yanvar kúngi Ózbekstan Respublikası Ministrler Kabinetiniń «Hayal-qızlardı sociallıq jaqtan qollap-quwatlaw boyınsha qosımsha is-ilájlar tuwrısında»ǵı qararına hámde Xalıq deputatlar Moynaq rayonı Keńesiniń 2022-jıl 29-aprel kúngi VI-45-73-13-187-K/22-qararına tiykar 3-basqıshta “Hayallar dápterine” jámi 98 hayal-qızlar kiritildi.

Sonnan, sociallıq qorǵawǵa mútáj bolǵan 45 xayal-qızlar jámiyetshilik jumıslarına ornalastırıldı.

Isbilermenlik penen shuǵıllanıwdı bildirgen 12 xayal-qızlarǵa tolıǵı menen jeńillestirilgen kredit alıwına járdem kórsetildi.

Baǵıwshısı bolmaǵan 19 xayal-qızlarǵa sociallıq járdemge mútáj 1 hám 2 topar nágiranlıǵı bolǵan 15 xayal-qızlarǵa hám de qarawında nágiran perzenti bolǵan 7 xayal-qızlarǵa 1 mln 80 mıń sum muǵdarında bir mártelik materiallıq járdem kórsetildi.

“Hayallar dápteri”ne kiritilgen 98 hayal-qızlardıń tolıǵı menen hámmesine járdem kórsetildi. (100 %).

“JASLAR DÁPTERI”

3-sektor aymaǵında jasawshı 9287 puqaralardıń 3616 jaslar quraydı. “Jaslar dápteri”ne kiritilgen jaslardıń bántligin támiyinlew arqalı “Jaslar dápteri”nen shıǵarıw ilájların kóriw boyınsha tapsırmaǵa tiykar 3-sektor aymaǵınan usı kúnge deyin 90 jas hár túrli jónelisler boyınsha “Jaslar dápteri”ne kiritildi. Usı dápterge kiritilgen jaslardıń bántligin támiyinlew boyınsha bir qatar jumıslar alıp barılǵan bolıp, búgingi kúnge deyin 3-sektor aymaǵınan 73 jas (81,1%) “Jaslar dápteri”nen shıǵarılǵan. Házirgi kúnde “Jaslar dápteri”nde 17 jas qalǵan bolıp, olarǵa járdem kórsetiw sharaları kórilmekte.

Járdem kórsetilgen jaslar:

4 turaqlı jumıs penen támiyinlengen;

12 joqarı oqıw orınlarda oqıwı ushın kontrak pulları tólep berilgen;

5 bir mártelik materiallıq járdem berilgen;

46 ózin-ózi bánt etiw maqsetinde ásbap-úskene alıp berilgen;

3 diyxanshılıq penen shuǵıllanıwı ushın jer maydanları ajıratılıp berilgen;

1 jeńillestirilgen kredit alıp berilgen;

1 avtotransport quralın basqarıwǵa guwalıq alıwı ushın oqıwǵa pulları tólep berilgen;

1 óziniń qálewi menen sırt elge jumıs islewge ketip bántligi támiyinlengen.

“ISBILERMENLIK”

Xalıqtı isbilermenlikke tartıw maqsetinde 2022-jıldıńǵ 8 ayı dawamında shańaraqqa tiyisli isbilermenlikti rawajlandırıw maqsetinde “Madeli” awıl puqaralar jıyınında jasawshı 32 puqaraǵa 543 mln, “Qazaqdarya” awıl puqaralar jıyınında jasawshı 46 puqaraǵa 826 mln hám “Úshsay” awıl puqaralar jıyınında jasawshı 18 puqaraǵa 240 mln jámi 1 mlrd 610 mln sumlıq jeńillestirilgen kreditler ajıratıp berildi.

“SOCIALLÍQ TARAW”

3-sektor aymaǵındaǵı sociallıq obektlerdi úyreniw nátiyjesinde ámelge asırılǵan jumıslardı aytıp ótsek, “Madeli” awıl puqaralar jıyını aymaǵında 4,3 km uzınlıqtaǵı 461 mln sumlıq elektr tarmaqların tartıw hám almastırıw boyınsha jumıslar rejelestirilgen bolıp, sonnan usı kúnge deyin 3 km uzınlıqtaǵı 252 mln sumlıq elektr tarmaqları almastırılıp rejeniń 46% payızı, 1 transformator ornatıw rejelestirilgen bolıp, rejege tiykar ornatılıp 100% payızı, 2 km uzınlıqtaǵı gaz tarmaqların jańadan tartıw rejelistirilgen bolıp, tolıǵı menen tartılıp rejeniń 100% payızı orınlanǵan.

“Qazaqdarya” awıl puqaralar jıyını aymaǵında uzınlıǵı 7,2 km bolǵan suw tarmaqların jańalaw yaki rekonstrukciya qılıw jumısları rejelestirilgen bolsa tolıǵı menen ámelge asırılǵan, 31 km uzınlıqtaǵı elektr tarmaqların tartıw hám almastırıw boyınsha jumıslar rejelestirilgen bolsa sonnan házirde 19,4 km tartılǵan, rejege tiykar 8 dana transformator ornatılıwı lazım bolıp, artıǵı menen 20 dana transformatorlar ornatılǵan. 4,7 km uzınlıqtaǵı jollarǵa tas-shaǵal tósew rejelestirilgen bolsa (kamenno-щebenochnaya peschanaya smes) artıǵı menen 7,3 km jollarǵa 9 mıń 400 tonna tas shaǵal jatqızılǵan.

“PREZIDENT SAPARÍNDA BERILGEN TAPSÍRMALAR”

Ózbekstan Respublikası Prezidenti Sh.M. Mirziyoevtıń 2022-jıl 23-24 fevral kúnleri Qaraqalpaqstan Respublikasına saparı dawamında berilgen tapsırmalar hám 25 fevral kúni ótkerilgen 16-sanlı májilis bayanı talapların orınlaw boyınsha Moynaq rayonı “Qazaqdarya” aymaǵına ishimlik suw tarmaqların tazadan qurıw maqsetinde 2022-jıl 1-aprel kúnine jaramsızlıq aktın islep shıǵıw, 2022-jıl 1-may kúnine joybar smeta hújjetleri islep shıǵıw belgilengen.

Házirgi waqıtta “ÓzSuwTámiynatı” AJ, “Suw támiynatı hám aqaba suw obektleri qurılısı boyınsha “Injiniring kompaniyasi”” aymaqlıq basqarması tárepinen 2022-jıl 10-mart kúngi №146-01/04-sanlı xatına tiykar Moynaq rayonı hákiminiń ishimlik suw tarmaqların rekonstrukciya qılıw hám tazadan aqaba suw tarmaqların qurıw boyınsha 2022-jıl 16-mart kúngi

69-13-187-Q/22-sanlı qararı tastıyıqlanǵan bolıp, “Qazaqdarya” awıl puqaralar jıyını “Múyten” awılına ishimlik suw tarmaqların tazadan qurıw boyınsha akt islep shıǵılǵan. Búgingi kúnde joybarları hám smeta hújjetleri islep shıǵılǵan, ekspertiza juwmaǵı alınǵan, tender sawdalarına qoyılǵan.

Tender sawdasında “Gidromontajstroy” JShJ jeńimpaz dep tabılǵan házirde qurılıs, montaj jumısları alıp barılmaqta.

“Qazaqdarya” awıl puqaralar jıyını “Dawkempir” awılına medicinalıq punkt konteynerleri ornatılǵan. Búgingi kúnde átirapın abadanlastırıw boyınsha jumıslar ámelge asırılmaqta.

“Qazaqdarya” awıl puqaralar jıyını aymaǵında 17,5 gektar jer 35 mútájligi bar (“temir dápter”, “hayallar dápteri” “jaslar dápteri”) kiritilgen shańaraqlarǵa ajıratıp berildi. Búgingi kúnde Qaraqalpaqstan Respublikası Ministrler Keńesiniń 2022-jıl 18-may kúngi 286-13-0-Q/22-qararına tiykar Moynaq rayonı hákiminiń 142-13-187-Q/22-qararı tastıyıqlanıp salı egiletuǵın jer maydanları belginip, salı egilgen.

Aral teńiziniń suwı qurıǵan ultanında “jasıl qatlamlar” jaratıw maqsetinde 100 mıń gektar maydanına 590 mıń 339 tonna shól ósimlikleri egilgen.

Suwǵarılatuǵın jerlerdi samal erroziyasınan saqlaw ushın “Qazaqdarya” awıl puqaralar jıyını aymaǵındaǵı “Dawkempir” fermer xojalıǵınıń 9 gektar jer maydanına 7,500 túp tut náli, 7,500 túp yasen náli hám 7,500 túp qaraǵash nálleri egilgen.

R.Turǵanbaev, Moynaq rayonı 3-sektor baslıǵı