Búgin Moynaq rayonı hákimi basshılıǵındaǵı hákim orınbasarı, hákim járdemshileri hám rayonımızdaǵı isbilermenlerden ibarat delegaciya aǵzaları Tashkent wálayatında bolıp turıptı.
Dáslep Tashkent wálayatı hákimliginde juwapkerler qatnasında jıynalıs ótkerildi. Onda Tashkent wálayatı tárepinen Moynaq rayonında 2023-jılda ámelge asırılǵan jumıslar hám 2024-jıl ushın belgilengen áhmiyetli wazıypalar dodalandı.

Jıynalısqa basshılıq etip atırǵan Tashkent wálayatı hákiminiń birinshi orınbasarı Abdirasul Abdullayev wálayat isbilermenlerine Moynaq rayonında investiciya joybarların ámelge asırıw boyınsha usınısların bildirdi. Sonnan soń Moynaq rayonı hákimi Baxtiyar Menglibekov isbilermenlerge jaratılǵan jeńillik hám imkaniyatlar haqqında kóplegen maǵlıwmatlar berdi.