Nızamshılıqta iyt saqlawǵa baylanıslı talaplar bar. Bunda iyt iyeleriniń májbúriyatları,  kóp qabatlı turaq jaylarda qalay saqlaw kerek, kóshelerde qalay alıp júriw kerekligi atap ótilgen. Sonıń menen birge, iyesiz hám qańǵımay iytlerdi Abadandastırıw basqarmasınıń Qarawsız qalǵan iytlerdi tutıw bólimi xızmetkerlerine tapsırıw belgilengen.

Degen menen, kópshilik iyt iyeleriniń biyparıqlıǵı sebepli iytlerdiń toparlasıp oraylıq kóshelerde júriwleri jámiyetimiz ushın, ásirese, mektep jasındaǵı balalardıń mektepke barıwı hám qaytıwında úlken qáwip tuwdırmaqta.

Joqardaǵılardı esapqa alǵan halda eger iyesiz iytlerdiń háreketleniw jaǵdayları ushırassa, Moynaq rayonlıq Abadanlastırıw basqarması tárepinen olardı tutıw ilajları alıp barılatuǵınlıǵın hám nızam talaplarǵa boysınbaw juwapkershilikke sebep bolatuǵının eskertedi.