Ижтимоий тармоқларда Мўйноқ тумани ҳокими саксовул ва ўтин чопаётган туман аҳолисига тегманглар деб, Экология ва атроф муҳитни қўриқлаш бўлимига топшириқ берганлиги ҳақида хабарлар тарқалди.

Мўйноқ тумани ҳокимлиги Матбуот хизмати бу хабарга раддия билдиради.

Сабаби, Мўйноқ тумани ҳокими томонидан қабул қилинган қарорлар Маҳаллий давлат ҳокимияти органлари томонидан қабул қилинадиган қарорларни ишлаб чиқиш, келишиш ва рўйхатдан ўтказишнинг ягона электрон шаффоф тизимида чоп этилади.

Бугунги кунда бу тизимда Мўйноқ тумани ҳокимининг саксавул ва ўтин чопаётган туман аҳолисига тегмаслик бўйича норматив-ҳуқуқий ҳужжати рўйхатдан ўтмаган.