Moynaq rayonı Ishki isler bólimi baslıǵı, 3-sektor bashısı Jamalatdin Yusupov hám Prezidenttiń rayondaǵı Xalıq qabıllawxanası baslıǵı Dáwran Qálimbetovlar náwbettegi kóshpeli qabıllawın “Qazaqdárya” awıl puqaralar jıyını aymaǵında ótkerdi.

Orınlarda sektorlar basshıları tárepinen xalıqtıń turmısında ushırasıp atırǵan másele hám mashqalaların úyreniw hám olarǵa unamlı sheshim tabıw maqsetinde ótkerilip atırǵan kóshpeli qabıllawları óziniń unamlı nátiyjesin bermekte.

Moynaq rayonı Ishki isler bólimi baslıǵı, 3-sektor bashısı Jamalatdin Yusupov hám Prezidenttiń rayondaǵı Xalıq qabıllawxanası baslıǵı Dáwran Qálimbetovlar “Qazaqdárya” awılı turǵınlarınıń mashqalaların úyreniw hám olarǵa unamlı sheshim tabıw maqsetinde náwbettegi kóshpeli qabılawın ótkerdi.

Qabıllaw dawamında puqaralar ózleriniń sociallıq mashqala hám máseleleri menen múrájat etti. Tiykarınan bántlik, densawlıq, kem támiynlengen xojalıqlarǵa ámeliy járdem, jeńilletilgen kredit, ishki jollardı ońlaw sıyaqlı bir qatar múrájatlar kórip shıǵıldı.

Bildirilgen múrájatlar sol jerdiń ózinde úyrenilip, kópshiligi unamlı sheshim taptı, ayrım múrájat iyelerine huqıqıy túsinikler berildi.

Sonday-aq úyreniw jumıslarına waqıt talap etiletuǵın múrájatlerdiń sheshimi ushın múddet belgilenip, orınlanıwı qadaǵalawga alındı.

Álbette, ótkerilip atırǵan bunday ilajlar xalqımızdıń turmısındaǵı mashqalaların unamlı sheshiw arqalı olardıń búgingi kúnnen razı bolıp jasawın támiyinlew hám keleshekke bolǵan isenimin ele de bekkemlewge xızmet etedi.